Mfululizo wa Matamasha ya Kucheka Tena (Laugh Again Cencert Series) Tanzania

by Strictly Gospel

Clown Chavala.

MFULULIZO WA MATAMASHA YA KUCHEKA TENA (LAUGH AGAIN CONCERT SERIES) TANZANIA

Na CLOWN CHAVALA (MC na Muasisi wa Christian Comedy Tz)

Na Mwandishi Maalum

NI muda mrefu Wakristo wamekosa aina nyingine ya burudani yenye maadili na iliyo katika misingi ya Kimungu, ambayo ni huru kwa familia yote zaidi ya ibada za kanisani, mikutano ya injili na matamasha ya uzinduzi au ya kusifu na kuabudu. Na ni vijana wengi ambao wana vipaji makanisani ambao wameshindwa kutumia au kuonyesha vipaji vyao kwa sababu aitha mazingira ya kanisa hayaruhusu vitu hivyo, wamekosa waangalizi, hawajiamini au kanisa lina mtizamo hasi juu ya mambo hayo.

Lakini ni dhahiri kuwa Mungu alituzawadia vipawa na karama mbalimbali kwa makusudi na kila alichotupa kina nafasi ya kumrudishia sifa na ni kiungo cha ibada.

Sasa FREDY E. CHAVALA (CLOWN CHAVALA/PRESIDENT CHAVALA) Amekuwa mbele katika kuasisi na kuhakikisha kuwa vile vipaji vilivyoko kanisani vinapaki kanisani kwa Utukufu wa Bwana, amekuwa sana akikuza vipaji kama vile Ngojera, Mashairi, Akapella, Simulizi, Dansi na Vichekesho lakini zaidi Vichekesho, tena vichekesho vya mtu mmoja mmoja (Stand Up Comedy).

Muasisi huyu ana vipaji vingi (multi talented) na anapenda sana sanaa, lakini kwa sasa amejikita sana kwenye uasisi wa vichekesho vya kikristo.

Si jambo tulilolizoea machoni mwetu na halijawahi kutokea nchini, kuona watu wakitumia sanaa ya vichekesho kufikisha habari njema za Yesu kristo.

Tulizoea kuona vichekesho (comedy), zikifanywa sana na watu tu wa huko duniani (secular), lakini sasa sanaa hii iko madhabahuni na imethibitika kuwa na kibali na faida kubwa sana kwa Wakristo, hii itabadilisha kabisa mtazamo wa kuona kama kanisani ni mahali pa kuwa serious na kulia tu wakati bila kucheka wala kufurahi.

Faida za kufurahi na kucheka,mbali ya zile za kiroho ni kama vile:

*  Kuondoa sumu mwilini, maana unapocheka mishipa inafunguka na damu inatembea vizuri na homoni na viyeyushi tiba vinaachiliwa mwilini.

*  Kuondoa au kupunguza msongo wa mawazo (stress), yaani nafsi na akili vinapata vitu laini vya kufanya ufanye kazi nyepesi na siyo hizo nzito zisizo na majibu kichwani.

*  Kuongeza uzuri wa sura, uchangamfu wa mifupa na kudumisha urafiki, jambo ambalo linaongeza imani ya kawaida kuwa hauko mpweke, mbali na kuwa Mungu.

*  Kucheka pia kunaongeza maisha na zaidi furaha ikitawala moyo wako unaweza waambukiza wengine waliokata tamaa kabisa na maisha yao.

*  Zaidi ya hayo yote, vichekesho hivi vya kikristo humfanya mtu ajifunze kutafakari Biblia kwa undani zaidi, hivyo mtu hucheka na kupokea kwa wakati mmoja, yaani unacheka unapona mwili na roho na hii ndio tofauti kubwa kati ya Vichekesho vingine vya huko duniani na hivi vya Kikristo.

Chavala anasema alianza kufanya comedy muda mrefu lakini katika kanisa ana kama miaka mitano hivi, na hapo kale alikuwa anafanya zaidi Drama na Dramantic comedy,…zaidi Chavala alisema…………. “haikuwa rahisi watu kuelewa haraka hii Stand up Comedy, ambayo ni Comedy halisi, nakumbuka mara ya kwanza kusimama kwenye jukwaa kubwa ilikuwa mwaka 2009 katika Mkusanyiko wa wanafunzi wa vyuo vikuu maarufu kama CAMPUS NIGHT,mikusanyiko ambayo hufanyika kila mwaka na huandaliwa na Kanisa la VICTORY CHRISTIAN CENTRE(VCC), mkesha ambao ilifanyika pale uwanja wa taifa  na ulikuwa na zaidi ya washiriki 12,000. Hapo watu walicheka sana na watu wengi walijua kuwa kuwa jambo hili ni zuri na linafaa sana katika kanisa la leo, Tangu hapo nikaendelea zaidi kushiriki mikutanoni,makanisani na mikusanyiko mbalimbali ya wakristo na baada ya kuona ipo haja ya kufanya wazo hili lijitegemee, ndipo nikaanzisha mfululizo(SERIES) wa matamasha ya kikristo ya comedy. Mfululizo huu ulianza mwaka jana(Nov 20, 2011) pale Ubungo plaza na una jina liitwalo “LAUGH AGAIN CONCERT SERIES” yaani MFULULIZO WA MATAMASHA YA KUCHEKA TENA” Picha nyingi zinaonyesha namna siku hiyo ilivyokuwa imefana.”

LAUGH AGAIN CONCERTS zitaendelea kufanyika nchini mpaka hapo ambapo mikoa yote itakuwa imefikiwa na kwa kuanzia Msimu huu wa kwanza (SEASON ONE) itakuwa na matamasha nane(8) na kati ya hayo Dar es salaam(3), Arusha(1), Mwanza(1),Dodoma(2) na Mbeya(1), ambayo yataanza March mpaka September 2012. Matamasha haya yatakuwa yanahusisha vipaji vingi toka mkoa husika sambamba na CLOWN CHAVALA, ambaye ndio mwasisi pamoja na watu watu wachache watakaobahatika kusafiri nae, katika matamasha haya tutakuwa na waimbaji mbalimbali watakaoalikwa mbali na sanaa zote za maonyesho nilizozitaja pale juu.

Hivyo kama una kipaji au unapenda kuwa mshiriki wa KUCHEKA TENA, hakikisha unafungua masikio vizuri, maana unaweza ukapitwa!

MSIMU HUU UNAANZIA DAR ES SALAAM  4^th MARCH 2012, LANDMARK HOTEL, RIVER SIDE, UBUNGO!

Unaweza kuwa umesikia matangazo ukawa unapuuzia tu,lakini nikutie moyo tu,jitahidi usikose hii maana ni maalumu kwa ajili yako, tamasha hili litaanza nane na nusu mchana mpaka moja na nusu usiku(2:30-8pm) na CLOWN CHAVALA(The king of Stand Up Comedy) atawapandisha wachekeshaji wapya watano(5) ambao ni Senior ABBY,Gerald Mrema,Lukweto J, Richard Chidundo na Emmanuel Mathias(MC MANU au pilipili ya sherehe kutoka Dodoma), lakini pia vichekesho vyote hivi vitasindikizwa na Glorious Celebration Band, Dar es salaam Gospel Band, Vocapella Group, Dance group, Victor Aron pamoja na Madam Ruth na Chriss(wa amenibamba Yesu) na wengine wengi.

Tiketi zinapatikana Victory Christian Centre,Praise Power Radio, Tarakea Restaurant-mwenge,Silver spoon na Tausi Fashion mlimani city kwa 5000/= tu au unaweza kununua kwa M-pesa(0753 883797) au Tigo Pesa(0713 883797) kwa 6000/= tu, hakikisha unatuma pesa ya tiketi kamili, tena kwa kutumia namba yako iliyosajiliwa kwa jina lako, ili upate tiketi yako mlangoni ukija.

LAUGH AGAIN CONCERT One One Ni kwa ajili ya WATU BORA wote wenye UPENDO BORA WA KWELI KWA WOTE! (QualityLove for Quality People>>)

MALENGO MAKUU YA MATAMASHA HAYA>>

Zaidi ya faida za kucheka nilizozisema hapo juu, matamasha haya yameanzishwa kwa malengo makuu haya;

Ø  Kuutangaza ufalme wa Mungu na ukuu wake, kuinjilisha na kuponya watu kupitia dawa asili ya kucheka.

Ø  Kuanzisha aina nyingine ya burudani kwa familia za wapenda maadili, zaidi ya hizi chache tulizozizowea, yaani uzinduzi na mikutano ya injili.

Ø  Kukuza na kuviendeleza vipaji halisi vya vijana kanisani, kwa faida ya kanisa, jamii na mafanikio ya maisha yao binafsi.

Ø  Kukutanisha watu wa kada na nyanya/fani mbalimbali katika maisha,ili kuongeza upana wa wigo wa mtandao wa kubadilishana habari, ujuzi, uzoefu pamoja na biashara.

Ø  Kukuza, kuendeleza na kuutangaza utamaduni wetu, hasa ule uliosahaulika kupitia sanaa, na hivyo kupigia kampeni Utalii wa ndani ya nchi yetu, ambayo Mungu ametubariki nayo.

KUHUSU MUASISI (FREDY CHAVALA)>>

Huyu ni kijana wa kitanzania aliyeokoka, Mzungwa wa Iringa aliyehitimu elimu ya chuo kikuu na ambaye amekuwa kwenye harakati za maendeleo ya Vijana kwa muda mrefu sasa, kwa taaluma ni Mtaalamu wa Usimamizi na Utawala wa Biashara (Business Administration and  Management), ambaye anafanya kazi kama Managing Director na Business & Management Consultant wa Great Potentials Ltd.

Tofauti na watu wengi wanavyochukulia sanaa ya uchekeshaji kama vile ni ya watu duni wasio na mwelekeo, Chavala anaichukulia kama kitu cha thamani sana kwake na kwa jamii na ndio maana pamoja ya Elimu yake ameamua kufanyia kazi vipaji vyake, zaidi Stand Up Comedy.

Chavala amekuwa akijishughulisha na mambo mengi sana kama vile uandaaji wa Semina, Mikutano na matukio mbalimbali ya kidini na kiserikali, Ushauri,Uandishi wa miradi,Uandishi wa Vitabu na makala, U-MC, Ufundishaji na uzungumzaji katika maeneo mbalimbali ya nchi hususani katika eneo la Biashara, ujasiriamali, ustawi wa Vijana na ukuzaji wa vipawa. Inawezekana umeshawi kumuona katika mahojiano mbalimbali na vyombo vya habari, kumsikia au kukutana nae, nina uhakika utakubaliana nami kuwa huyu ni kijana wa tofauti na wa kipekee.

Mpaka sasa ameshatembea karibu Tanzania yote na kutembelea baadhi ya nchi za nje, kwa ajili mambo hayo anayoyafanya.

Chavala anaamini kila mtu ana uwezo ndani yake wa kufanya kile kitu ambacho Mungu amemuandikia afanye maishani mwake na zaidi mafanikio ya mtu yako ndani mtu mwenyewe.

UNAWEZA KUWA SEHEMU YA KAMPENI HII>>

Unaweza kuhusika kwa namna yeyote ile; maombi, ushauri, ushiriki, kuchangia au kudhamini, pia Unaweza kupanda mbegu yako kwa kusaidia kufanikwa kwa matamasha haya nchini, maana ni pesa nyingi inahitajika,ni zaidi ya milioni 250 kwa msimu wa kwanza wenye matamasha nane nchini! Milango iko wazi kwa yeyote mwenye nia njema, unaweza kuwasiliana nasi kuuliza au kuchangia chochote kile unachoguswa kwa M-PESA(0753883797) au Tigo Pesa(0713 883797).

Tutabarikiwa sana kama tutasikia kutoka kwako, tunatamani yale yote ambayo shetani ameyaiba kanisani na wale wote ambao amewaiba kanisani warudi, maana hakuna jambo lolote zuri lenye asili yake kuzimu, vyote ni mali ya Mungu. Saa inakuja ambapo mtu yeyote atakayekaa kinyume na Mungu basi huyo ataonekana amechuja maradufu, tusaidiane kulea vijana wetu katika kumpenda Mungu, bila kujutia karama, vipaji na vipawa walivyonavyo! Usiwe wa kwanza kulaumu, kuhukumu na kudharau watu, hasa vijana, karibia ujifundishe au uje na majibu/masuluhisho na sio maneno tu!

“Ninawashukuru watu wote, makanisa, huduma,vyombo vya habari, makampuni, taasisi na asasi, ambao mmekuwa ni baraka kwa huduma hii kwa ujumla, ni wengi mno mnaotuunga mkono siwezi kutaja majina, ninawashukuru wazazi na walezi wa kimwili na kiroho na zaidi gazeti hili kwa kuhakisha ulimwengu wa kikristo unahabarika kama hivi, Mungu awabariki sana na karibuni sana tuendelee kuungana mkono”…Fredy Chavala(Mbeba maono)

“LAUGH AGAIN CONCERT SERIES”

GREAT POTENTIALS LTD,

C/o Box 34048,

DAR ES SALAAM.

+255 713/753-883797

e-mail; lacs.project@gmail.com  OR fchavala@mail.com
"Only those who can see the INVISIBLE can do the IMPOSSIBLE"
You was not born accidentally, but purposely, so live your life at the best of it!
I believe that i was born to serve mankind!
Fredy E.C

Mkapa aitosa CCM

UZINDUZI wa kampeni za uchaguzi mdogo wa jimbo la Arumeru Mashariki kupitia Chama cha Mapinduzi uliokuwa ufanyike Machi 10 imeingia dosari kubwa kufuatia kukataa kwa Rais Mstaafu Benjamin Mkapa kufanya kazi hiyo.

Habariza kuaminika kutoka ndani ya CCM zimedai kuwa Mkapa amegoma kufungua kampeni hizo zilizokuwa zifanyike eneo la Usa River nje kidogo ya jiji la Arusha nakuna habari kuwa uongozi wa juu umelazimika kuahirisha na kusogeza mbele siku ya uzinduzi.

Ofisa mmoja mwandamizi wa CCM ameliambia Tanzania Daima kuwa Mkapa amechukua uamuzi huo baada ya kubainika kuwa ataaibika kutokana na msuguano mkali wa chini kwa chini baina ya makundi yaliyoibuka tangu wakati wa mchakato wa kura za maoni.

Mtoa taarifa wetu amesema kuwa Mkapa ametoa sharti zito la kuutaka uongozi wa wilaya, mkoa na taifa kuhakikisha kuwa umeshughulikia kikamilifu msuguano wa makundi hayo, la sivyo hataweza kushiriki uzinduzi wa kampeni hizo. Habari zimedai kuwa Katibu wa CCM wa Mkoa wa Arusha, Mary Chatanda, Mkurugenzi wa Kituo cha Mikutano cha Kimataifa cha Arusha (AICC), Elishiria Kaaya, na Mwenyekiti wa UVCCM mkoa, James Milya, wameitwa jijini Dar es Salaam kwa ajili ya kujadili msuguano huo.

Imedaiwa kuwa wengine walioitwa ni pamoja na wagombea wawili waliokuwa wakichuana kuwania kuteuliwa kugombea ubunge wa jimbo hilo, William Sarakikya, na Elirema Kaaya (ambaye aliwahi kushikiliwa na Takukuru akituhumiwa kutoa rushwa kwa wagombea).

Taarifa zimedai kuwa hali ndani ya chama hicho ngazi ya mkoa ni mbaya pamoja na wagombea walioangushwa na Siyoi Sumari kukubaliana kuwa wataungana pamoja kumpigia kampeni mwezao ili ashinde. Hata hivyo, habari zimethibitisha kuwa uhasama baina ya makundi hayo, lile la James Milya na Mary Chatanda, kwa upande mwingine, yamekuwa katika mvutano wa siku nyingi na kwamba uchaguzi huo mdogo umeibua uhasama huo.

Alipopigiwa simu kuthibitisha kusogezwa mbele kwa uzinduzi wa kampeni hizo na ukweli wa kugoma kwa Mkapa, Chatanda alidai kuwa yuko barabarani na akaombwa apigiwe simu kesho (leo). Hata hivyo, alipoambiwa ni jambo la dharura, alikata simu na kuzima.

Katibu wa Itikadi na Uenezi wa CCM taifa, Nape Nnauye, alipoulizwa juu ya kukataa kwa Rais Mstaafu Mkapa, alikana kujua lolote huku akitaka mwandishi amuulize aliyemwambia habari hizi. Kwa upande wake, Mwenyekiti wa Vijana Mkoa wa Arusha, James Millya, hakupatikana na mmoja wa watu wake wa karibu, alilieleza Tanzania Daima kuwa kiongozi huyo machachari wa UVCCM, alikuwa jijini Dar es Salaam kikazi.

Mkapa aliteuliwa hivi karibuni na makao makuu ya CCM kuzindua rasmi kampeni za ubunge wa jimbo hilo, ikidaiwa kuwa ndiye mmoja wa viongozi wachache wenye uwezo mkubwa wa ushawishi katika masuala ya kampeni. Itakumbukwa kuwa Mkapa ndiye aliyezindua na kisha kufunga kampeni za uchaguzi mdogo wa jimbo la Igunga mkoani Tabora, ambako kampeni zake baina ya CCM na CHADEMA zilivunja rekodi kwa mbwembwe, mikikimikiki na tambo za kila aina ikiwa ni pamoja na matumizi makubwa ya fedha.

Uchaguzi mdogo wa Arumeru Mashariki unatabiriwa kuwa utakuwa na ushindani mkubwa kati ya wagombea wawili wa vyama vya CCM (ambacho kimemsimamisha mtoto wa marehemu Jeremiah Sumari), Siyoi Sumari, na CHADEMA ambacho kimemteua Joshua Nassari kupeperusha bendera yake.

Source: Tanzania Daima

HARAKATI ZA WABONGO KUANDAA MOVIE

VIFAA VIPYA VYA RJ VYAANZA KUFANYA KAZI

 Kama kawaida wadau nilisema kuwa mwaka huu ni mwaka wa mabadiliko kwa kampuni yako ya RJ company, Tutafanya mambo makubwa katika tasnia yetu ya filamu nilisafiri na kushuka na vifaa vya nguvu hapa ni kazi mambo mengine no watu watasema kwa kazi tu, wadau tegemeeni mambo mapya katika mzigo huu mpya unaopikwa na vijana wako wanaofanya kazi kwa kujituma.

 Hii ni Crane. hiki kifaa kinatumika mara nyingi kwa scene za nje na za ndani mtaona wenyewe tofauti kubwa wala nisiseme mengi

 Cheki mwenyewe mimi sisemi

 Mambo yakiendelea ,,,,,,,,

 Camera ikiwa juu kabisa ili kupata shorts nzuri

 Mambo mengine haya jamani hili ni Dolly mara nyingi utumiwa katika shorts za kutembea na kuleta radha tofauti kabisa

 Vijana kazini

 Hii ni monitor kwa ajili ya kuhakiki picha kama iko sawa mara nyingi utumia kwa nje ndani huwa natumia tv

 ON SET

 Haya kazi nyingine hiyo mimi ufanyaga vitu kwa vitendo na sio maneno hiki kifaa kinaitwa Steady Cam matumizi yake katika scene za kutembea barabarani, kukimbia na mambo mengineyo mengi

 Cheki watu wailvyokuwa makini

 Mambo hayo

 Baba na Mwana, humu ndani ni hatari sana

 Hatari sana

 

RESPECT OF NYERERE

 Kijana mdogo anayekuja kwa kasi katika tasinia ya filamu nchini Tanzania 

Steven Mengere(Nyerere).

Hanakuja na mzigo mpya unaoitwa Respect Of Nyerere ni story inayozungumzia maisha ya mwalimu Nyerere na hapa wakiwa na mama Maria Nyerere wakipata mawaidha kabla ya kuanza shooting uko Butihama

 Wakiendelea kupata mawili machache yaliyokuwa yakifanywa na Mwalimu Nyerere enzi za uhai wake.

 Picha ya kumbukumbu pamoja na mama Maria Nyerere.

 Hapa wakiwa katika kaburi la Baba wa Taifa Mwalimu Julius Kambarage Nyerere.

 Kazi imeanza!

 Cheki mwenyewe kijana alivyokuwa na njaa pamoja na shida

 Rechel na Davina kulia

 Vijana wakiwa kazini kuhakikisha kuwa hawakosei wanachokifanya maana mtu wanaomcheza alikuwa ni mtu mkubwa sana kataka nchi hii

 Nyerere akiwa na Ally Yakuti mwandishi mkubwa script hapa nchini Tanzania

 Hapa Mwalimu Nyerere akiwa na waanndishi wa habari shambani kwake

 Mainda pamoja na Saguda Gorge, hawa ndio maproduction manager wa kampuni ya Nyerere the Power

 Hapa Mwalimu Nyerere akiwa anacheza bao, Wadau hii ni sehemu kubwa ya Baba wa Taifa alipokuwa akichezea bao

 Mainda akiwa kazini kama kawaida yake uwa hafanyi makosa akiwa kazini

 Steve Nyerere katika pozi

 Ally Yakuti

 On Set

 Mambo yakipamba moto

Hatariiiiiiiiii vijana wana njaa sana cheki huyo mwandishi wa habari bwana Juma Chikoka akifanya vitu vyake

 

Chanzo: http://raythegreatest.blogspot.com/

 

Tiba ya Dk. Mwakyembe India: Mabingwa wafichua ‘kemikali’ hatari

Naibu Waziri wa Ujenzi, Dk. Harrison Mwakyembe

• Zimekuwa zikijizalisha maalumu kushambulia ngozi

WAKATI bado kukiwa na hali ya kutothibitishwa kitabibu Naibu Waziri wa Ujenzi, Dk. Harrison Mwakyembe, ameathirika kiafya kwa kupewa sumu au la, taarifa za awali zinabainisha kuwapo kwa ‘kitu’ kwenye ute ute (bone marrow) ndani ya mifupa yake, chenye uwezo wa kuzalisha kemikali zinazoshambulia chembe hai za ngozi, Raia Mwema, limeelezwa.


Kwa mujibu wa habari za uhakika zilizotufikia kutoka vyanzo mbalimbali vya habari hospitalini Apollo, India, awali alipofikishwa nchini humo, jopo la madaktari bingwa walifanya uchunguzi na kubaini ‘kitu’ hicho kwenye ute ute ndani ya mifupa yake.

Hata hivyo, taarifa hizo zinabainisha kuwa baada ya kufanya utafiti wa kina, madaktari hao ambao miongoni mwao ni mabingwa wa kutafiti kemikali, walifanikiwa kubuni chembe nyingine za kudhibiti kemikali (kitu) zilizobainika ndani ya ute ute huo.

“Katika hali ya kushangaza, baada ya kubaini kuwapo kwa kemikali ndani ya ute ute wake na jopo la maprofesa ambao ni madaktari bingwa kufanikiwa kubuni namna ya kudhibiti hicho kilichogundulika, walishtushwa kemikali hizo kuwa na uwezo wa kuendelea kujizalisha na kuendelea kushambulia ngozi yake,” kinaeleza chanzo chetu cha habari kutoka hospitalini Apollo, nchini India ambako Dk. Mwakyembe alikwenda kutibiwa kwa mara ya kwanza.

“Kwa hiyo, walianza kazi ya kupambana na kemikali hizo zisiweze kuendelea kujizalisha na walipoona dalili za kufanikiwa walimruhusu kurejea Dar es Salaam, lakini wamechukua kemikali hizo kwa ajili ya uchunguzi zaidi. Sasa ni majopo ya kitabibu yanayokusanya maprofesa kadhaa ndiyo wanaoendelea na uchunguzi wa kina kubaini ni kemikali za aina gani, zimeingizwa vipi mwilini mwake.”

“Na sasa amekuja hapa India kwa ajili pia ya kuangaliwa maendeleo yake. je, kemikali zile zimefanikiwa kuangamizwa kama bado zimepungua kwa kiasi gani au bado zina uwezo wa kuendelea kujizalisha kama ilivyokuwa awali? Kwa hiyo, uchunguzi bado haujakamilika,” kinaeleza chanzo hicho chetu cha habari kutoka Apollo.

Kwa upande mwingine, mara baada ya kurejea kutoka India kwa mara ya kwanza alikokwenda kutibiwa, mwandishi wa gazeti hili alifanikiwa kuona baadhi ya picha za hali ya Dk. Mwakyembe na namna ngozi yake ilivyokuwa imeathirika, mwili ukiwa umevimba na ngozi kuchanika na kuwa kavu na ngumu na yenye magamba mithili ya ngozi ya mamba.

Ni wakati huo ambao, Dk. Mwakyembe mwenyewe alipata kumdokeza mwandishi wetu kwamba; “Hali ilikuwa mbaya sana alipokuwa India kwa matibabu kwa mara ya kwanza.”

Lakini kwa upande mwingine, wataalamu wengine wa kemia na baiolojia nchini kwa nyakati tofauti bila kutaka majina yao yaandikwe gazeti kutokana na namna suala la Dk. Mwakyembe linavyozungumziwa na viongozi wa taasisi nyeti nchini, wameelezea uwezekano wa kurutubishwa kwa kemikali za namna hiyo ili kushambulia baadhi ya chembe hai katika mwili wa binadamu na hatimaye kusababisha kifo cha mhusika na baadaye, kifo hicho kuaminika kimetokana na ugonjwa fulani.

Katika hatua nyingine, taarifa za “internet” zinabainisha kuwa kemikali za namna hiyo huweza kutengenezwa na wakemia sambamba na wanabaiolojia kwa ajili ya matumizi mbalimbali ikiwa ni pamoja na kuwadhuru watu mashuhuri kwa malengo mbalimbali.

Kazi za ute-ute (bone marrow) mwilini
Kazi kubwa ya ute uliopo ndani ya mfupa wa mwanadamu (bone marrow) ambao humo ndimo inaelezwa kuwa kemikali zinazomdhuru Dk. Mwakyembe zilipo, ni kuzalisha aina tofauti za chembe hai za damu ambazo ni muhimu kwa afya ya mwanadamu kwa ujumla.

Kuna aina mbili za ute huo katika mifupa ya mwanadamu ambazo ni kwanza; ute wa njano (yellow bone marrow) ambao umesheheni kiwango kikubwa cha chembe hai zenye mafuta (fat cells).

Lakini aina ya pili ni ute mwekundu (red bone marrow) ambao hujumuisha chembe nyingine hai muhimu katika uzalishaji wa chembe damu mpya (new blood cells).

Kazi ya chembe damu na ute-ute
Ute mwekundu ndani ya mfupa (red bone marrow) na hasa katika mifupa mikubwa wajibu au kazi yake ya msingi ni uzalishaji wa shehena ya chembe damu hai mpya.

Ute ute huo unatajwa kujihifadhi katika mifupa ya mwanadamu hususan katika maeneo matano ya aina ya mifupa.

Mifupa hiyo ni; mosi, mifupa ya mkono (arm bones), pili; mifupa ya kifuani (breastbone); tatu, mifupa ya miguu (leg bones); nne, mifupa ya mbavu (ribs) na tano, uti wa mgongo (spine)

Kwa upande wa Dk. Mwakyembe, picha za mionzo zilizopata kuonwa na mmoja wa watu wake wa karibuni akiwa katika matibabu India zinadaiwa kuonyesha mifupa iliyoanza kuathiriwa kwa kuwa na alama za awali tofauti na mingine ni ya mifupa ya mikono kuelekea mifupa ya kifuani, na kwa hiyo, kama ni kitu (sumu?) kilichokuwapo kwenye ute wa mifupa yake basi kiliingia ,inawezekana kupitia viganja vya mikono yake na kupenya kwenye ute ndani ya mifupa ya mikono.

Dk. Mwakyembe na DCI Manumba
Kama vile mtu ambaye amekerwa na namna Jeshi la Polisi, kupitia kwa Mkurugenzi wa Upelelezi wa Makosa ya Jinai (DCI), Robert Manumba, Dk. Mwakyembe Februari 18, wiki iliyopita, alitoa taarifa kwa vyombo vya habari kujibu kile kilichoelezwa na Manumba kuhusu afya yake.

Katika taarifa yake kwa vyombo vya habari, DCI alieleza bayana kwamba Dk. Mwakyembe hajalishwa sumu na kwamba kinachomsumbua ni ugonjwa wa ngozi tu, maelezo ambayo yamepingwa na Dk. Mwakyembe mwenyewe akisema kinachomsumbua bado hakijawekwa bayana na jopo la madaktari bingwa wanaomtibu India.

Taarifa hiyo ya Mwakyembe ilieleza : “Napenda nisisitize mapema kabisa kuwa msimamo huo wa Jeshi la Polisi umenikera sana katika hali niliyonayo ya ugonjwa, kwanza kwa kuingilia mchakato wa matibabu yangu na uchunguzi wa kina kuhusu kiini chake unaoendelea hospitali ya Apollo nchini India ambako bado sijahitimisha matibabu yangu; pili kwa ufinyu wa uelewa unaojitokeza bayana kwenye tamko la Jeshi la Polisi unaosisitiza kuwa “sikunyweshwa sumu” wakati sumu si lazima unyweshwe ili ikudhuru, inaweza kudhuru hata kwa kugusishwa tu; na tatu kwa Jeshi la Polisi kujiingiza kwenye suala ambalo kwa takriban mwaka mzima halijawahi kuwa na dhamira ya dhati ya kulielewa au kulichunguza mbali na kulifanyia mzaha kupitia magazetini.

“Itakumbukwa kuwa tarehe 9 Februari, 2011 nilimwandikia barua IGP Said Mwema kumtaarifu kuhusu njama za kuondoa maisha yangu na ya viongozi wengine. Kwa kutambua kuwa Jeshi la Polisi la Tanzania daima husisitiza kuletewa ushahidi kwanza ndipo lifanyekazi, nilihakikisha nimeainisha katika barua hiyo kila ushahidi nilioupata au kupewa. (Utaratibu huu wa Jeshi la Polisi kusubiri kuletewa ushahidi mezani, kama ambavyo mahakimu wanavyosubiri ushahidi mahakamani, haupo popote pale duniani (ila Tanzania tu) kwani kazi ya msingi ya Polisi si kuletewa, ni kutafuta ushahidi. Polisi wanachohitaji duniani kote ni kupata clue au tetesi tu. Hiyo inatosha kufukua ushahidi wote unaohitajika).

Pamoja na kujitahidi kuanika kila aina ya ushahidi niliokuwa nao, mambo manne yalijitokeza ambayo yalionyesha wazi kuwa Polisi hawakuwa na dhamira ya dhati ya kupeleleza suala hilo:

1. Siku chache baada ya kumkabidhi IGP barua hiyo, nilitumiwa timu ya “wapelelezi” ofisini kwangu kuja kuchukua maelezo yangu ya ziada. Timu hiyo ilikuwa inaongozwa na ACP Mkumbo, afisa wa polisi ambaye wiki chache zilizokuwa zimepita alikuwa miongoni mwa askari waliotuhumiwa kupokea rushwa kwa lengo la kumbambikizia madawa ya kulevya mtoto wa Mwenyekiti wa IPP, Reginald Mengi, suala ambalo mpaka leo hii uongozi wa Polisi umeshindwa kulitolea maelezo ya kuridhisha. Kwa msingi huo, nilikuwa nimeletewa mtuhumiwa wa rushwa/ ujambazi kuendesha uchunguzi wa watuhumiwa wengine wa ujambazi! Nikatambua mara moja kuwa zoezi zima lilikuwa la mzaha, tena mzaha mkubwa!
2. Wiki chache baada ya barua yangu kuwasilishwa kwa IGP na timu ya ACP Mkumbo “kuanza kazi”, Jeshi la Polisi likachukua hatua ya kuwapongeza na kuwazawadia askari niliowatuhumu kushirikiana na majambazi! Huhitaji kuwa profesa wa falsafa kuelewa kuwa huo ulikuwa ujumbe tosha wa kunipuuza.
3. Hivi karibuni tuhuma za askari polisi kujihusisha na vitendo vya ujambazi mkoani Morogoro zilipopamba moto na kuwagusa askari “wale wale” niliowatuhumu kwenye barua yangu, IGP alichukua hatua ya kuwahamishia mikoa mingine!
4. Ili kunikatisha tamaa kabisa, barua yangu ya “siri” kwa IGP ikavujishwa kwa makusudi kwenye vyombo vya habari na kuchapishwa kama habari ambayo ilikebehi na kukanusha taarifa nzima niliyotoa, sijui kwa faida ya nani! Lakini huu ni mchezo wa kawaida kwa polisi kwani hivi karibuni Mhe. Waziri Samuel Sitta alipohojiwa na ofisa mwandamizi wa Jeshi la Polisi ofisini kwake, wakiwa wawili tu, taarifa ya kikao hicho ikawa kwenye moja ya magazeti ya mafisadi ikikebehi ushahidi aliotoa Sitta! The integrity of the police force leadership is on the line.

Nimeelezea vizuri katika barua yangu kwa IGP kuwa kundi hilo la mauaji lilikuwa limeelekezwa kuniua kwa kutumia sumu, taarifa ambayo kwa karibu mwaka mzima Polisi hawakutaka kuifuatilia kwa sababu wanazozijua wenyewe. Sasa huu msukumo mpya wa Jeshi la Polisi kutaka kujua kama nilipewa sumu au la na kukurupuka kutoa tamko hata kabla ya kunichunguza nilivyo, kunihoji mimi na wasaidizi wangu ofisini na hata kuongea na mabingwa wa Kihindi wanaonifanyia uchunguzi, umetokea wapi? Si ni polisi hawahawa ambao, badala ya kushukuru, wamekuwa wakikerwa na tahadhari ambazo Waziri Sitta amekuwa akitoa ili suala hili lichunguzwe kwa kina?

Aidha napata taabu kuamini kama DCI Manumba na wenzake waliisoma taarifa halisi ya matibabu yangu au walisoma taarifa “nyingine”, na kama waliisoma taarifa hiyo wenyewe au “walisomewa”! Nasema hivyo kwa kuwa alichokisema DCI Manumba kwa wandishi wa habari hakifanani kabisa na picha iliyo kwenye taarifa halisi ya Apollo ambayo inatamka wazi kuwa kuna kitu kwenye bone marrow kinachochochea hali niliyonayo, kitu ambacho mabingwa wanahangaikia kukijua, kukidhibiti/kukiondoa huku vyombo vyetu vya dola vikipelekeshwa na mafisadi kusema bila msingi wa kisayansi wala aibu: “hakulishwa sumu”, “hakulishwa sumu”!

Nimesoma darasa moja Kitivo cha Sheria Mlimani na DCI Manumba. Baadaye IGP Mwema alikuwa mwanafunzi wangu wa sheria Mlimani. Vigogo hawa wawili wa usalama wa raia nchini hawajanitendea haki, nao wanajua. Wanajua vilevile kuwa sitakaa kimya au kumung’unya maneno come what may pale ambapo haki inakanyagwa.

Tuendelee kuombeana afya na uhai ili tutendeane haki na vilevile tuitendee nchi yetu haki kwa kuvimalizia viporo vinavyokera vya Dowans, EPA, Kagoda n.k. kwa maslahi mapana ya Taifa letu.

Raia Mwema

Mkurugenzi Mtendaji wa NBC, Lawrence Mafuru akutana na wahariri.

Mkurugenzi Mtendaji wa Benki ya NBC, Lawrence Mafuru (kulia) akisalimiana na baadhi ya wahariri kutoka katika vyombo mbalimbali vya habari katika hafla aliyowaandalia katika Hoteli ya Hyatt Kilimanjaro jijini Dar es Salaam jana.

Mkurugenzi Mtendaji wa Benki ya NBC, Lawrence Mafuru akitoa akizungumza na baadhi ya wahariri kutoka katika vyombo mbalimbali vya habari katika hafla aliyowaandalia katika Hoteli ya Hyatt Kilimanjaro jijini Dar es Salaam jana.

Mkuu wa Masoko na Mawasiliano wa NBC, Mwinda Kiula-Mfugale (katikati) akisalimiana na baadhi ya wahariri kutoka katika vyombo mbalimbali vya habari katika hafla iliyoandaliwa na Mkurugenzi Mtendaji wa NBC, Lawrence Mafuru (hayupo pichani katika Hoteli ya Hyatt Kilimanjaro jijini Dar es Salaam jana.

Mmoja wa wahariri kutoka Gazeti la Daily News, Masato Masato akiuliza swali katika hafla iliyoandaliwa na Mkurugenzi Mtendaji wa NBC, Lawrence Mafuru (hayupo pichani) kwa wahariri wakuu na wa habari za biashara na uchumi katika Hoteli ya Hyatt Kilimanjaro jijini Dar es Salaam jana.

Mkurugenzi Mtendaji wa Benki ya NBC, Lawrence Mafuru wa pili kutoka kushoto akiwa katika picha ya pamoja na wafanyakazi wenzake kutoka benki hiyo kulia ni Eddie Mhina mshauri wa masuala ya habari NBC na kushoto ni Allen na wa pili kutoka kulia ni Albert.

Wadau wa kutoka NBC wakipozi kwa picha mara baada ya kumaliza kazi yao katika hafla ya mkurugenzi mtendaji wa benki hiyo na waharir wa vyombo vya habari jana.

Meneja Udhamini na Matukio wa NBC, Bi. Rachel Remona Kimambo kulia akiwa katika picha ya pamoja na Mkuu wa Masoko na Mawasiliano wa Benki ya NBC, Mwinda Kiula-Mfugale katikati pamoja na Albert mfanyakzi wa benki ya NBC kushoto.

Aukata Uume Wake Kuwakomoa Wanawake Wanaomgombania

	Wednesday, February 29, 2012 8:54 PM Rombo Moshi Kilimanjaro, Bw. Priva Elian (29) amekata sehemu zake za siri na kuziondoa kabisa kwa kutumia kitu chenye ncha kali. Amefanya hilo kwa kile kilichoelezwa kuwa ni kugombaniwa na wanawake wawili.
Wanawake wawili wanaomgombea Priya kiasi cha kumkera na kumfanya afikie uamuzi huo wa ajabu kwa watu wengi. Tukio hilo limetokea Februari 27, mwaka huu saa 1:30 asubuhi baada ya kupandwa na hasira kutokana na usumbufu mwingi aliokuwa akiupata kutoka kwa wanawake hao. Mara baada ya kuchukua uamuzi huo, alimwita mdogo wake na kumweleza kuwa achukue nyeti hiyo na kuwapelekea wanawake hao ili waigombee. Wakati huo huo, kutokana na kuvuja damu nyingi, majeruhi huyo alipelekwa katika Hospitali ya Wilaya ya Huruma iliyopo wilayani humo akiwa amepoteza fahamu na hawezi kuzungumza.

STARS NA MAMBAS YA MSUMBIJI ZAINGIZA MIL 64/-

TAARIFA KWA VYOMBO VYA HABARI

Mechi ya mchujo kuwania tiketi ya kucheza Fainali za Kombe la Mataifa ya Afrika-
AFCON 2013 kati ya Tanzania (Taifa Stars) na Msumbiji (Mambas) iliyochezwa jana
(Februari 29 mwaka huu) imeingiza sh. 64,714,000.
Fedha hizo zimepatikana kutokana na watazamaji 16,776 waliokata tiketi kushuhudia
pambano hilo lililochezwa kwenye Uwanja wa Taifa, Dar es Salaam.
Sehemu iliyoingiza watazamaji wengi ilikuwa viti vya bluu na kijani ambapo 14,403
walikata tiketi kwa kiingilio cha sh. 3,000 kwa kila mmoja. Viingilio vingine katika
mechi hiyo vilikuwa sh. 5,000 kwa viti vya rangi ya chungwa, sh. 10,000 kwa VIP C,
sh. 15,000 viti vya VIP B wakati VIP A iliyoingiza watazamaji 91 kiingilio kilikuwa
sh. 20,000.
Mgawanyo wa mapato hayo ni kama ifuatavyo; asilimia 18 ya Kodi ya Ongezeko la
Thamani (VAT) ilikuwa sh. 9,871,627, gharama ya kuchapa tiketi sh. 4,500,000, malipo
kwa waamuzi wane na kamishna wa mchezo huo sh. 12,180,000 na ulinzi na usafi kwa
Uwanja wa Taifa sh. 2,350,000.
Malipo kwa Wachina (Beijing Construction) sh. 2,000,000, maandalizi ya uwanja (pitch
marking) sh. 400,000 wakati asilimia 20 ya gharama za mchezo ni sh. 6,682,475.
Mgawo mwingine ni asilimia 10 ya uwanja sh. 3,341,237, asilimia 5 ya Shirikisho la
Mpira wa Miguu Afrika (CAF) sh. 1,670,136 na asilimia 65 ya Shirikisho la Mpira wa
Miguu Tanzania (TFF) sh. 21,718,042.

Source:
Boniface Wambura
Ofisa Habari
Shirikisho la Mpira wa Miguu Tanzania (TFF)

WATUMISHI WA SERIKALI WATAKIWA KUFANYA KAZI KWA BIDII KISHA KUDAI HAKI ZAO

Watumishi wa serikali ambao ni wanachama wa TUGHE wametakiwa kufanya kazi kwa bidii ili kutimiza wajibu wao na hatimaye waweze kupata haki ya kudai nyongeza ya maslahi kwa mwajili.

Rai hiyo Imetolewa leo na Katibu Mkuu wa Tughe Taifa Ally Kiwenge wakati akiongea na watumishi wa Hospitali ya Mkoa wa Ruvuma katika ukumbi wa mikutano wa Hospitali hiyo.

Bw Kiwenge alisema ili Wafanyakazi waweze kuwa na sauti ya kudai hali bora ya maslahi kwa mwajili ni budi wao kwanza wakafanya kazi kwa bidii na kuzingatia taratibu.

Alizitaja taratibu kama kuwahi kazini na kuwajibika katika sehemu zao za kazi pia kuacha uzembe,uzururaji na kupiga majungu kuwa ndio nguzo za kuwa na Utendaji mzuri mahala pa kazi

“Watumishi wa serikali tuache maneno ya kejeli na uchochezi na tutumie vikao halali kuwasilisha kero na matatizo yetu kwa mwajili” alisema Bw Kiwenge na kuongeza kuwa kwa watumishi wazembe na wapika maneno sehemu za kazi Tughe haitojishughulisha kuwatetea endapo hatua za kinidhamu zitachukuliwa na waajiri.

Aidha katika hatua nyingine Katibu huyo wa Tughe Taifa amepongeza kitendo cha Mheshimiwa Rais Jakaya Kikwete kwa hotuba yake ya mwisho wa mwezi Februari kwa kuonyesha umakini wa kushughulikia kero za watumishi wa sekta ya afya kupitia tume iliyoundwa na Waziri Mkuu kufuatia mgogoro wa madaktari nchini.

Alisema “namshukuru Rais Kikwete kwa kuwahakikishia watumishi wa sekta ya afya nchini kuwa atahakikisha kero za Wafanyakazi kama si kuzimaliza zote basi atasimamia kuona zinapungua “.na kuongeza kuwa Rais akishasema wao viongozi wa vyama vya Wafanyakazi wanafarijika kuona serikali inasikia kilio cha watumishi nchini.

Katika kikao hicho Bw Kiwenge alitaja matatizo makuu manne ambayo serikali inapaswa kuyafanyia kazi kwa kipindi hiki .Kwanza,watumishi wanahitaji nyenzo za kufanyia kazi za kisasa katika hospitali zote nchini ili wananchama wa Tughe watekeleze vema majukumu yao.

Aliongeza na kuiomba serikali na kuishauri ihangaike na kutoa nyenzo za kufanyia kazi kwenye hospitali zote nchini.

Pili,Wafanyakazi wanataka kuwa na majadiliano na viongozi wao ili kuwe na ushirikiano katika kutatua kero zinazojitokeza mahala pa kazi kabla madhara hayajawafika wananchi.

Tatu,amewasihi na kuwaonya watumishi wa serikali kutojiingiza katika siasa.”Kuwa na chama chako na hisia zako ni haki ya mtumishi lakini usilete na kuingiza siasa zako kazini” alisema Kiwenge

Nne,ameitaka serikali ichukue maamuzi magumu ya kuboresha maslahi ya watumishi wake wa sekta ya afya kama kweli inasema sekta hii ni muhimu . “Tughe inaishauri serikali ifanye maamuzi magumu ya kupandisha mishahara ya watumishi ili ikidhi mahitaji ya mwezi mzima ”.

Ameongeza kusisitiza kuwa kiwango cha kima chini i kinacholipwa sasa na serikali cha shilingi laki moja na nusu hakitoshi kumwezesha mtumishi kukidhi mahitaji yake kwa mwezi mzima ambapo kwa wastani mtumishi mwenye familia yenye mke na watoto wanne anaishi kwa shilingi mia nane .

Alisema Tughe inaiomba na kuisisitiza serikali anagalau ihakikishe mtumishi anaishi kwa zaidi ya dola moja yaani shilingi elfu moja na mia sita kwa siku kwani kinyume na hapo watumishi wa serikali wataendela kuishi katika umasikini kinyume na sera ya maisha bora kwa mtanzania.

“Mtumishi yeyote anyeishi chini ya dola moja kwa siku anaishi katika umasikini mkubwa” alisema Bw.Kiwenge na kusisitiza kuwa ni wakati sasa umefika kwa serikali kusikia kilio cha watumishi na kupandisha mishahara kwa kima cha chini hadi shilingi 350,000/=kwa mwezi.

Kwa upande wake Mganga Mfawidhi wa Hospitali ya Mkoa wa Ruvuma Dkt.Benedict Ngaiza aliwataka viongozi wa Tughe kuwa mfano wa kuigwa kwa kuonyesha njia badala ya wao kuwa walalamikaji kwani hilo likifanyika litaendeleza na kudumisha ushirikiano mahala pa kazi.

…………………………………………………………………………………………………………………………..

Na Revocatus A.Kassimba

Afisa Habari

Ofisi ya Mkuu wa Mkoa Ruvuma

MAJADILIANO YA MADAKTARI YASHINDWA KUANZA JANA.. WATOKA KIKAONI

TAARIFA KWA VYOMBO VYA HABARI 01.03.2012


MAJADILIANO YA MADAKTARI YASHINDWA KUANZA LEO

Majadiliano
baina ya Serikali na Madaktari kuhusu madai yao yaliyowasababisha wagome mwezi
uliopita, yameshindikana kuanza leo (Alhamisi, Machi 1, 2012) baada ya
madaktari kutoka nje ya mkutano wakikataa kujumuishwa na makundi mengine ya
watumishi wa kada nyingine za afya wanaofanya kazi nao pamoja.

Baada
ya madaktari hao kukataa kuanza majadiliano na kutoka nje ya ukumbi wa mkutano,
makundi mengine yaliyobaki nayo yalikataa kuanza majadiliano bila ya kuwepo
madaktari.

Madaktari
hao wametoa sababu kwamba wasingependa kufanya majadiliano hayo na Serikali katika
kikao kinachojumuisha kada nyingine za afya kama wauguzi, wafamasia,
wanasayansi wa maabara za afya, wafiziotherapia na wataalamu wa mionzi kwa sabau
wakiwa pamoja madai yao hayatopewa uzito stahiki.

Majadiliano
hayo yaliitishwa na Serikali kufuatia maombi ya madaktari kwa Serikali ya
kujadiliana nao kwa pamoja kuhusu utekelezaji wa madai yao baada ya Mkutano wao
na Waziri Mkuu Februari 9, 2012 na kukamilika kwa kazi
ya kamati iliyoundwa na Waziri Mkuu.

Wakati
akihutubia Taifa jana (29 Februari 2012), Rais Jakaya Kikwete alieleza kwamba
amepokea taarifa kuwa Kamati aliyounda Waziri
Mkuu kushughulikia madai ya madaktari imekamilisha kazi yake na kuwasilisha
taarifa kwake. Kuanzia leo (01 Machi
2012) Serikali itaifanyia kazi taarifa hiyo na kuamua ipasavyo kulingana na
uwezo uliopo.

Serikali
bado inafanya jitihada za kuzungumza na madaktari na kada nyingine za Afya ili
waweze kurejea kwanye meza ya mazungumzo na kuanza majadiliano mapema
iwezekanavyo.


IMETOLEWA NA
OFISI YA WAZIRI MKUU
01 Machi 2012


Irene K. Bwire,
Email: irenekaki@yahoo.com

Chama cha ANC chamtimua Malema

 

Julius Malema anatarajiwa kukata rufaa ya kumtimua chamani

Kiongozi wa mrengo wa vijana katika chama tawala cha ANC nchini Africa Kusini, Julius Malema, sasa ametimuliwa rasmi kutoka chama cha ANC baada ya rufaa ya kupinga uamuzi wa kutimuliwa kwake hapo awali, kutupiliwa mbali.

Kamati ya nidhamu ya chama cha ANC ilitoa uamuzi huo baada ya kusikiliza rufaa iliyowasilishwa na Malema dhidi ya kutimuliwa kwake chamani kwa kipindi cha miaka mitano kwa makosa ya kuleta mgawanyiko katika ANC.
Kamati hiyo ikiongozwa na kiongozi mkongwe na mfanyibishara Cyril Ramaphosa, iliangalia tena rufaa aliyokata Bw Malema na bado ikampata na makosa ya kukigawanya chama cha ANC pamoja na kukitia aibu.
Hata hivyo, Malema katika siku za awali ameelezea wazi kwamba atakata rufaa iwapo kamati hiyo itamsimamisha kujihusisha na shughuli za chama tawala cha ANC.
Bw Malema bado anaweza kukata rufaa katika kipindi cha miaka 14.
Julius Malema amekuwa akisisitiza kuwa anaonewa kwa sababu anataka chama hicho kutaifisha migodi ya nchi hiyo.
Pia anasema baadhi ya watu katika chama cha ANC hawamtaki kwa sababu anataka chama hicho kupata kiongozi mpya katika mkutano wake baadaye mwaka huu ili kuchukua nafasi ya Rais Jacob Zuma kuondoka

Mastaa wakiri kushea mabwana

Wema.

Shilole.

Uwoya.

Na Waandishi Wetu
MINONG’ONO ya muda mrefu kuhusu mastaa wa kike Bongo kuchangia wanaume, sasa imepata majibu baada ya kuthibitika kwamba vitendo hivyo vimeshamiri sana miongoni mwao, Ijumaa linaifumua.
Habari zisizo na shaka zilizolifikia gazeti hili, zinasema kwamba mastaa hao wamekuwa wakipangwa bila kujijua na wakati mwingine wakiwa na taarifa ya mchezo mzima huku wakijua kufanya hivyo ni kuhatarisha afya zao.
MAMBO HADHARANI
Chanzo chetu, ambacho ni miongoni mwa mastaa wanaowika kwenye tasnia ya filamu, kwa sharti la kutotajwa jina lake gazetini, alisema mtindo huo upo sana na umekuwa ukiibua mabifu baina yao.
“Haya mambo yapo, yaani hakuna amani kabisa, unakuta staa ana mpenzi wake, lakini bila kujua mwenzake anaanza kujitongozesha kisha naye anatoka naye,” alisema mtoa habari wetu na kuongeza:
“Hata huu mgogoro wa Wema (Sepetu), Wolper (Jacqueline) na Uwoya (Irene) chanzo chake kilikuwa mambo hayo hayo, sema walikuwa wanashindwa tu kuweka wazi.
“Ukweli Wema alikuwa analalamika kwamba Wolper anajipitisha tena kwa Diamond, wakati mwanzoni alimuacha akiwa hajawa maarufu. Uwoya naye hakuwa na imani na Wolper kwa madai kwamba alikuwa anajigonga kwa Ndikumana.”
Maelezo ya mnyetishaji wetu huyo yalienda mbali zaidi, yakisema kwamba, imefikia hatua staa akiwa na uhusiano na mwanaume wake anamficha kwa rafiki zake ili asitegwe.
“Hasa huku kwetu kwenye filamu ndiyo kuna haya mambo zaidi. Sijui hawaoni kinyaa?” alisema.

MASTAA WAFUNGUKA
Timu ya gazeti hili kwa nyakati tofauti lilifanya mahojiano na baadhi ya mastaa wa tasnia mbalimbali Bongo kuhusu madai haya, ambapo wengi walikiri.
Mmoja wa mastaa hao ambaye hakupenda kuandikwa jina lake gazetini kwa kuhofia kunyimwa dili, alisema wasichana ndiyo wamekubuhu zaidi kwenye mchezo huo ambao si wa kistaarabu.
“Nakwambia ukionekana unapendeza, unatunzwa vizuri na mwanaume wako, nao wanamuwinda ili wamtie mkononi. Ni tabia ya hovyo sana,” alisema msanii huyo, mweupe mwenye figa namba nane.
Mastaa waliopata kuzungumza na Ijumaa na kutoa ushirikiano ni Miriam Jolwa ‘Jini Kabula’, Aunt Ezekiel, Jacqueline Dustan, Zuwena Mohamed ‘Shilole’, Baby Joseph Madaha, Lucy Komba na Belina Mgeni, soma walichokisema hapa chini.

KABULA
“Tabia hiii ipo sana, kikubwa ni tamaa...mtu akiona upo na fulani anajua unafaidi, hivyo na yeye anajiingiza akijua atapata kama unavyopata kumbe hajui ni nyota ya mtu tu.”

AUNT
“Hiyo tabia ipo na si nzuri, kila mtu anatakiwa kumheshimu mtu ambaye alikuwa na uhusiano na rafiki yake ili kujenga heshima.”

JACQUELINE
“Tabia hiyo ni mbaya sana na ipo kwa mastaa wa hapa kwetu Bongo. Kiukweli haileti picha nzuri kabisa kwa jamii, unashindwa kueleweka.”

SHILOLE
“Najua kwamba wapo mastaa wenzetu wenye tabia hiyo, ila nawatahadharisha, kwangu mimi mtu asijaribu kabisa, nitamwangamiza! Siyo tabia nzuri, kwa kweli inakera.”

MADAHA
“Hiyo ipo kweli na ni kujivunjia heshima, unajua mwanaume wa shoga yako ni sawa na shemeji yako kwa dada’ko, sasa inakuaje unatembea naye? Inaudhi sana. Kiukweli hata jamii haituelewi.”
BELINA
“Mastaa wengi wamefanya kama ndiyo mchezo siku hizi, naamini ni tamaa tu ndiyo inawaponza na si kingine. Mtu aliyetembea na rafiki yako ni shemeji yako na hao wanaume wanatudharau sana kwa mtindo huo.”

LUCY
“Tabia  hiyo ni mbaya na ipo kwa mastaa wengi, kama tukiendelea hivi, hii heshima ambayo tunaililia, hatuwezi kuipata kamwe. Ni lazima mastaa tubadilike, tuheshimiane.”

WAKIRI KUAMBUKIZANA UKIMWI
Baadhi ya mastaa waliopata kuzungumza na Ijumaa walikiri kwamba mchezo huo ni hatari na ni rahisi kuambukizana ukimwi.
Jacqueline Pentenzel ‘Jack wa Chuz’, aliye staa katika kiwanda cha filamu Bongo, alisema: “Wapo wasanii wanadaiwa kuwa na ngoma, lakini piga picha kwa mapenzi yetu haya, unatoka kwa msanii huyu unakwenda kwa yule bila kinga, nini kitatokea? Lazima kuna kuambukizana hapo.”
Mwingine aliyezungumzia hilo ni Aunt ambaye alikuwa na haya ya kusema: “Mtu yeyote asipotumia kinga wakati wa kufanya mapenzi hiyo inakuwa ni ngono zembe na lazima atapata ukimwi ikiwa anayefanya naye atakuwa na maambukizi.”

KUTOKA KWA MHARIRI
Chondechonde mastaa wetu, ninyi ndiyo kioo cha jamii, ni vyema mkijiheshimu na kuthamini afya zenu. Kama unajijua una tabia hii acha kwa ajili ya kulinda staha yako.

SHAROBARO ABAKA

Na Richard Bukos
KIJANA Juma Shaaban almaarufu Sharobaro (20) Mkazi wa Kijiji cha Kidugalo, wilayani Kisarawe mkoani Pwani amehukumiwa kifungo cha maisha jela baada ya kupatikana na hatia ya kumlawiti na kumbaka kisha kumsokomeza kijiti sehemu za siri bibi kizee chenye umri wa miaka 80 (Jina linahifadhiwa).
Mwendesha mashitaka katika Mahakama ya  Wilaya ya Kisarawe, ASP Gumbo alisema mshitakiwa anadaiwa kuwa mnamo Agosti 11, mwaka 2011 saa 10 jioni, katika Kijiji cha Kidugalo wilayani Kisarawe mkoani Pwani alimbaka bibi kizee huyo kisha kumsokomeza mti ukeni.
ASP Gumbo alisema baada mshitakiwa kumbaka kikongwe huyo alimuambukiza Virusi Vya Ukimwi.
Kufuatia mashitaka hayo hakimu aliyekuwa akisikiliza kesi hiyo, Timothy Lyon alisema baada ya kupitia ushahidi uliotolewa na upande wa Jamhuri  na ule wa utetezi, alimtia hatiani mshitakiwa na kumhukumu kifungo cha maisha jela.
Hakimu akaongeza kuwa mshitakiwa ana nafasi ya kukata rufaa ikiwa ataamua kufanya hivyo.
Baada ya hukumu hiyo, mshitakiwa alianza kuangua kilio mahakamani hapo na kuwaponyoka askari magereza  waliokuwa wakimlinda lakini walifanikiwa kumkamata kwenye lango kuu la mahakama hiyo kisha kumpeleka katika Gereza la Ukonga kuanza maisha mapya.