Pinda atoboa siri juu ya uwekezaji kwa maliasili

                                             Waziri Mkuu wa Tanzania, 

Mizengo Pinda

Na Mwandishi Wetu
WAZIRI Mkuu, Mizengo Pinda amesema ili nchi iweze kunufaika na maliasili ilizonazo, kuna haja ya kutumia wawekezaji wa ndani na kama itashindikana basi utumike mfumo wa ubia katika utafutaji wa maliasili hizo.
Aliyasema hayo Februari 28, 2012 wakati akifungua majadiliano yaliyohusu Jinsi ya kutumia vema maliasili na kuhakikisha zinalitajirisha bara la Afrika yaliyofanyika kwenye hoteli ya Hyatt Regency jijini Dar es Salaam.
Amesema mikutano ya majadiliano kama hiyo inapaswa kusaidia kutoa mafunzo kwa Watanzania ili wajue namna ya kusimamia vizuri zaidi maliasili za nchi yao. “Tunapaswa tuwafundisha watu wetu jinsi ya kuwekeza katika utaalamu, mitaji, mitambo na kwenye teknolojia ili tuache kutegemea vyanzo vya kutoka nje ya nchi,” alisema.
Amesema: “Tusipofanya hivyo tutajikuta tunaangukia katika balaa la kutonufaika na maliasili zetu ambalo limezikumba nchi nyingi za Afrika ambazo zimefanikiwa kugundua rasilmali kama vile almasi, mafuta, gesi na dhahabu katika nchi zao,” alionya.
“Balaa ama laana ya kutonufaika na rasilmali imezikumba nchi nyingi za Afrika, sina haja ya kuzitaja majina. Wengi wetu tumeshuhudia jinsi ambavyo ugunduzi wa maliasili ulivyochangia kuleta vita vya wenyewe kwa wenyewe, vita baina ya nchi; tumepoteza fedha nyingi, tumepoteza maisha ya watu wengi wasio na hatia hasa wanawake na watoto na wengine wamebakia vilema kutokana na vita hivyo,” aliongeza.
Amesema Tanzania iko tayari kushirikiana na wabia wa maendeleo, taasisi za kimataifa, sekta binafsi au watu binafsi ili kuhakikisha inajengea uwezo wananchi wake katika maeneo tofauti yakiwemo ya utafutaji, uongezaji thamani na uuzaji wa maliasili tulizonazo.
“Hii ndiyo njia pekee ambayo itahakikisha kwamba nchi na wananchi wake wanafaidika na maliasili zilizopo,” alisisitiza.
Naye Prof. Paul Collier wa Chuo Kikuu cha Oxford cha Uingereza anayeshughulikia masuala ya uchumi wa Afrika ambaye alikuwa mtoa mada katika majadiliano hayo, alisema Tanzania na nchi za Afrika hazijengea uwezo watu wake ili waweze kuwekeza vya kutosha kwenye utafutaji wa maliasili na ndiyo maana bara hili limeendelea kubaki maskini.
“Ili kunufaika na sekta hii inabidi kuwekeza zaidi, kufanya tathmini ya maliasili mlizonazo, kuzipangia matumizi bora, kulinganisha matumizi ya sasa na kuangalia maisha ya baadaye yatakuwaje na kutunza akiba kutokana na maliasili mlizonazo,” alisema.
Naye Balozi wa Finland nchini, Bibi Sinikka Antila alisema hivi sasa Tanzania imevumbua maliasili nyingi zinazoweza kuiletea utajiri mkubwa lakini akasisitiza haja ya kusizimamia vizuri ili kuhakikisha kuwa zinawanufaisha wananchi wote.
Akitoa mfano wa kutokuwepo usimamizi katika rasilmali, Balozi huyo alisema uvunaji magogo haujatungiwa sheria kali na wala hautozwi kodi inavyostahili na matokeo yake, nchi inapoteza asilimia 90 ya mapato kutokana na mazao ya misitu. “Usimamizi endelevu wa misitu ndiyo msingi wa uchumi imara”, alisisitiza.
Mapema, Mtendaji Mkuu wa Taasisi ya Uongozi, Prof. Joseph Semboja alisema taasisi hiyo imeandaa majadilianio hayo ili kutoa fursa kwa viongozi waweze kujadiliana na kubadilishana uzoefu kwenye masuala ya utunzaji maliasili.
Alisema kikao hicho ni mwanzo wa mikutano ambayo taasisi hiyo imejipanga kuifanya ili kuwapa nafasi viongozi wapate mbinu kuboresha utendaji kazi wao. Alisema mwezi ujao, taasisi yake itaandaa mkutano kwa ajili ya Wakuu wa Tume za Uchaguzi kutoka nchi 16 ili wabadilishane uzoefu katika eneo hilo.


Short URL: http://www.thehabari.com/?p=14022

Taifa la waliao, wakilia na kuliwa, nani atawafungua?

M. M. Mwanakijiji

LIPO taifa sitalitaja ambapo watu wake huliwa huku wanalia na wale wanaowala nao wanaliwa huku wakilia na kuliliana huku na wao wenyewe wakililiwa. Taifa hili - ambalo sitalitaja linaongozwa na watu wanaopenda kula sana. Wanakula kila kilichopo mbele yao na wanakula kama wasiojua kushiba. Wanakula hata uji wa mgonjwa, wanakula hadi vya watoto! Wanakula huku hakuna wa kuwauliza kwani hata wale ambao wanapaswa kuwauliza na wenyewe wanapiga mahesabu ya jinsi gani wataingia mezani nao kula! Ni taifa la walao na wale waliwao! Mtu yeyote anapotembelea taifa hili nisilolitaja anaweza kuona mara moja tofauti kati ya wale wanaokula, wanaoliwa, wanaotaka kula na wale wanaolilia kutaka kula au wanalia wakiliwa au vya kwao vikichukuliwa kuliwa. Wapo amba kwenye hili taifa lisilo na jina, wameshikilia masufuria na mabakuli makubwa ya kula wakilia kwa sauti za kukoroma (zenye mikwaruzo ya kuudhi) “ongeza ongeza!” wakiwalilia watu wasio na uwezo wa kuwapa cha nyongeza. Wafanyakazi na wakulima katika taifa hili wanaambiwa tena kwa kupigiwa kelele “fanyeni kazi kwa bidii na maarifa” ili pato liongezeke. Wasichoambiwa maskini hawa wa Mungu ni kuwa wanaambiwa waongeze uzalishaji ili mabakuli ya walaji yazidi kuongezewa. Songombingo huja pale maskini hawa wenye kuliwa wanapoamua siku moja na wao waamue kudai nyongeza kidogo ya kula hata kama ni tumifupamifupa. Walaji wakubwa huja juu; wanang’aka na wakati mwingine na vitisho! Nilisimuliwa kisa kilichotokea kwenye hiyo nchi nisiyoitaja pale kundi moja la walaji wadogo wadogo lilipojaribu siku moja kutishia kuacha kuwapikia walaji wakubwa! Msimamizi mkuu wa walaji wakubwa alichukizwa sana na aliamua kuwapiga mkwara hadharani wale walaji wadogo na kuwaambia wasikubali kutumiwa na watu wabaya hata wakafika mahali wakakataa kuwapikia walaji wakubwa. Katika mkutano wake na Wazee wa Walaji Mlaji yule mkubwa alizungumza kwa hasira sana na kuwaambia kuwa wakiendelea kutishia maslahi ya walaji watapigwa virungu. Maskini wa Mungu wale wapishi wakuu walibakia wanatetemeka hasa walipokumbushwa kisa cha ndege fulani, kisa ambacho kwa kweli kiliwalazimisha kufikiria mara mbili. Walaji wakubwa waliendelea kula na kutafuna huku wakicheua mafuta, wakikumbatiana na kupongezana huku wakifanya mpango mwingine wa kujiongezea kula zaidi. Kilichowatibua wanaoliwa zaidi ni siku ile ambapo walaji wakubwa walipoamua kujiongezea ulaji zaidi huku wakiwaambia wananchi wa taifa lile nisilolitaja kuwa taifa lao liko kwenye hali mbaya ya uchumi. Wakaamua kujiongezea ulaji huku wakitetea kuwa walaji wote wakuu wamekubaliana kula! Ndipo kundi jingine la watengeneza chakula cha walaji wakubwa lilipoamua na lenyewe kuomba kidogo liongezewe kwenye sinia lao la ulaji. Ndugu zangu hawa walikataliwa kwa mbinde na upinde, kejeli na dharau. Lilikuwa kosa ambalo walaji wakuu hawalikutarajia. Kwani wanaohudumia walaji wakubwa wakaamuka kugoma! Kama utani hivi. Walaji wakuu walikuwa na uhakika wa kutosha tu kuwa walaji hawa wadogo hawana umoja na hawawezi kusimamia mgomo kwa muda mrefu. Oh, walijikuta wanashangazwa pale ambapo walaji wale walipong’ang’ana wakang’ang’ania! Ndipo mmoja wa walaji wakubwa alipojitokeza kwenye runinga akiwa amekasirika na akiwa amezungukwa na walaji wengine mahiri wote wakiwa na nia moja kuwalazimisha wapishi warudi jikoni! “Msiporudi kutupikia mtajifukuzisha kazi” alitamka mlaji mkuu msaidizi. Kesho yake hakuna aliyerudia! Mambo yalianza kuwa mabaya kwenye taifa la lile nisilolitaja. Waliokuwa wanaliwa sana na ambao walijikuta wanazidi kulia wakati mgomo ukiendelea walipoamua kufanya kweli. Wakajitokeza na kuandaa umati kuwapinga walaji wakubwa! Wakubwa wakashtuka kwani hilo hawakulitarajia. Walitarajia kuwa wakipiga mkwara, mabomu na vitisho basi wanaoliwa watanyamaza kwani kwenye taifa lile mikwara hufanya kazi sana. Huku nyuma mlaji mkubwa akisema kitu basi watu hufyata mkia. Haikuwa hivyo safari hii. Wanaoliwa hawakuwa tayari kukaa kimya; waliamua kubanana na watawala wao kwenye taifa hili nisilolitaja. Mambo yalipozidi kuwa magumu na wanaoliwa zaidi walipozidi kulia na kuanza kupiga mayowe ndipo walaji wakubwa walijikuta hawana jinsi bali kukaa na wapishi wao kujaribu kutafuta suluhu. Wakakubali kuwaongezea kidogo kwenye masinia yao. Lakini hawakuwa tayari kuwanyanganya ulaji walaji wenzao wakubwa! Na uwezekano wa walaji wale wakubwa waliosababisha tafruku hiyo kuhamia na kupelekwa kwingine kula ni mkubwa kwani kwenye taifa la walaji hakuna anayenyang’anywa sahani! Wanahemishwa meza au viti! Ukihamishwa meza unaweza kupelekwa kwenye kula kwa kunyemelea lakini ukihamishwa kitu umehamishwa mkao wa kula tu! Kula kunaendelea! Ni mpaka pale wale waliwao watakapoamua kukataa kuwa sababu ya kula kwa wale walao ndipo mabadiliko ya kweli yanaweza kuanza kutokea. Vijana wanaojitahidi kila siku kufanya kazi watakapokataa kuwa sehemu ya mfumo wa kuliwa ambao wenye kula hula wakirithisha hadi watoto wao kula watakapokataa kuwa watetezi wa mfumo huo wa ulaji ndipo vijana wa taifa hilo ambalo sijalitaja watakapoanza kutafuta sehemu yao katika maisha ya nchi yao. Walaji watakapokataliwa kula au kujiongezea vya kula ndipo wale wanaoliwa nao watapata nafasi ya kutafuta chakula! Nje ya hapo, walaji wakubwa, watetezi wa walaji na chama chao kikuu chao ulaji wataendelea kula bila kuulizwa huku mamilioni ya wananchi wenzao wakiendelea kubakia kunawa mikono na kuitwa kuja kutoa vyombo! Wale wengine ambao wamegundua kuwa nje ya chama cha walaji hakuna nafasi wanajikuta wanaamua kuanza kuimba wimbo wa kusifia walaji ili na wao hata kama hawatakula sana wawekwe mahali ambapo wanaweza kuambulia makombo! Kumbuka, makombo ya walaji wakubwa ni chakula tosha kwa maskini mwombaji aliyeko kwenye taifa lile nisilolitaja! Tanzania daima

UREMBO IRINGA NI KWA MAMA WEEK-END SHOP PEKEE

Tembelea Mama Week-End Urembo Shop Iringa leo ujipatia urembo kwa ofa maalum ya Pasaka
Usisumbuke kuuliza ama kutafuta duka la urembo ndani ya mji wa Iringa fika leo Mama Week-End Urembo Shop lipo eneo la Miyombini jirani na Famari Store karibu kabisa na Zebra ya Msitiki wa Ijumaa
Pete na mapambo ya kila aina ndani ya Mama Week - End urembo shop
Cheni za aina mbali mbali kwa wanawake na wanaume zipo
Ama kweli mama Week- End Urembo Shop ni jibu kwa swali lake kwako unayependa kupendezaUsisumbuke kutafuta ama kuuliza duka la urembo wa ukweli uwapo mjini Iringa uliza mama week-End Urembo Shop ni jibu la swali lako ,tupo jirani na Famari Store mkono wa kushoto barabara kuu ya Uhuru kabla ya kufika Zebra ya Msikiti wa Ijumaa kama watokea Stendi kuu na kama watokea Mshindo ni baada ya kuvuka Zebra ya mtikiti wa Ijumaa ng'ambo ya pili yaani mkono wa kulia utaona bango letu hapa juu .

Tupigie simu 0715 961433 Tutakusikia tutakufikia

 
Chanzo: Francis Godwin  Iringa na matukio

Barrick offers scholarships to university students

 

The Vice President (Corporate Affairs) of African Barrick Gold (ABG), Deo Mwanyika, hands over a bursary award to some of the recipients of ABG’s scholarships to mining students at the University of Dar es Salaam. PHOTO BY A

CORRESPONDENT.

Staff Writer
AFRICAN Barrick Gold (ABG) has signed an agreement with the University of Dar es Salaam (UDSM) to provide scholarships to students in a move aimed at producing more Tanzanian graduates with the necessary skills needed to manage the country’s fast-growing mining sector.
The announcement of the bursaries was made at UDSM’s campus on Monday by ABG’s Vice President of Corporate Affairs, Deo Mwanyika, and the varsity’s Vice Chancellor, Prof. Rwekaza Mukandala.
“I am proud to say that ABG has for the past 10 years progressively
increased its commitment to human resource development in Tanzania by providing bursaries to top undergraduate students and offering scholarships to UDSM’s academic staff to pursue postgraduate studies,” said Mwanyika.
The two-year agreement will benefit 12 UDSM students to cover the costs of pursuing studies related to the mining industry. Since ABG inagurated its bursaries programme, more than 70 UDSM students have been awarded much-needed scholarships that enabled them to complete their degree programmes.
Most of these students, who were the top academic performers in their
programmes, are usually employed by ABG’s four gold-producing mines when they complete their degrees.
“As Tanzania’s leader in the mining sector, ABG is committed to further
increase its investment in higher education,” said Mwanyika.
“At African Barrick Gold, we put a lot of emphasis on human capital
development. The steady growth of Tanzania’s mining sector over the past 10 years has generated demand for a local workforce of mining experts.”
More than 400 other UDSM students and academic staff members have also benefitted from practical training, final-year project work and site visits to mines funded by ABG over the past few years.
ABG also finances the purchase of laboratory equipment, student site
visits, accepts UDSM students for practical work experience at its mine
sites and helps supervise final year students on their project works.
The miner, as part of the Tanzania Chamber of Minerals and Energy (TCME) initiatives, is also spearheading the integrated Mining Technical Training with the long-term vision of developing enough skills within the country to meet the demands of the fast-growing mining sector.
Mwanyika challenged students at institutes of higher learning in Tanzania to apply the education and skills gained for the development of the nation.
On his part, Prof. Mukandala thanked ABG for providing scholarships to UDSM students and urged other investors to follow suit. He said UDSM would work closely with ABG to ensure Tanzania develops a strong workforce of skilled mining professionals.

 http://www.thehabari.com/?p=14028

MREMA NAYE AKATAA POSHO

Pamela Chilongola na Keneth Goliama MWENYEKITI wa Chama Cha Tanzania Labour  Part (TLP ) Augustino Mrema amemtaka Spika wa Bunge, Anne Makinda kuwa  na uvumilivu na kiwango cha mshahara wa   wabunge wanachokipata.Akizungumza  na waandishi wa habari  ofisi kwake jana, Mrema alisema wabunge wanatakiwa kuogopa kutawaliwa na tamaa ya fedha katika kuongoza wananchi. Mrema alisema wabunge hawahitaji kuwa mamilionea katika kuwasaidia wananchi bali kuna miradi mbalimbali kama mfuko wa jimbo na kufungua miradi ya maana katioka  kuinua uchumi wa wananchi. “Ni kweli fedha  tunazolipwa hazitoshi lakini tunatakiwa kuvumilia na kuendelea kuongoza maana hata ukipewa Sh10 milioni  haziwezi kutosha iwapo mbunge hatakuwa na  matumizi ya mipango thabiti,” alisema. Mrema alisema kinachoongelewa na Spika Makinda ni kweli lakini  mbunge anatakiwa kuweka bajeti katika  kuendesha jimbo lake. Alisema  kama wabunge wanataka kuondoka kwa ajili ya kukosa posho na mishahara waende lakini kwa yeye  hawezi kuondoka  kutokana na kiwango hicho kumtosha sana.  “Nimekaa zaidi ya miaka 20 bila kupata chochote, niliweza kuwasaidia wananchi wangu licha ya kujiuzulu uwaziri wangu, sasa kwanini leo niachie hata hiki kidogo siwezi kukiachia ng’oo! Haachii ngazi mtu hapa,” alisema mrema. Alisema hakuna mbunge ambaye ataweza kuachia ngazi kwa ajili ya mshahara kuwa mdogo kutokana na kwamba kazi ya ubunge sio fedha bali ni kujituma kwa wananchi. Marema alisema  Spika Makinda hatakiwi kulaumiwa kutokana na wabunge wachache waliongia bungeni kwa ajili ya kutafuta fedha  humfuata  na kumueleza matatizo yao.“Spika makinda ni  halalali kueleza kutokana yeye kuwa mama wa wabunge wote wa kupokea malalamiko na kuyafanyia kazi,” alisema. Uteuzi wa mgombea Arumeru Wakatai huo huo chama cha TLP kimetangaza kusimamisha mgombea ubunge katika jimbo la Arumeru mashariki.  Mrema alisema  chama kimempitisha Abraham Mhoza Chipaka kupeperusha Bendera ya TLP . Alisema kamati ya  halmashauri ya wilaya ya chama hicho ilimpitisha Mgombea huyo  kwa kuona nafaa kukiwakilisha chama. “TLP tumejipanga kugombea Arumeru Mashariki tutaenda kugombea na sio kusindikiza kama wanavyofikilia”alisema na kuongeza:  “Tumemsimamisha Abrahamu Chipaka ambaye ni mjasiliamali amepitishwa na kamati ya Halmashauri ya Wilaya Taifa”alisema Mrema. Mrema alisema anafurahishwa na migogoro inayoendelea ndani ya chama cha CUF na NCCR mageuzi kwa kile alichodai kuwa aliambiwa yeye ni dikteta na kufukuza viongozi katika chama alichokuwa akikiongoza. “Uongozi ni mgumu wanatakiwa wajifunze kupitia vyama vingine wasibaki kushabikia na kuniona mimi ni dikteta kazi yangu ni kuwafukuza wanachama wenzangu,sasa kikowapi leo hii yamewageukia wao”alisema Mrema. Alisema suala la watu kumnyemelea ili kumuondoa uenyekiti hakubaliani nao kwa kuwa huyo anayetaka kuchukua nafasi hiyo anasifa yeyote kuwa mbunge.

HII NI JUZIJUZI KWENYE MTV MUSIC AWARD BIDADA JENIFER LOPEZ

Maganga one

Mh. Jerry Slaa aongoza Kongamano la umoja wa vijana wa CCM Mkoa wa Mjini magharibi,Zanzibar

Mjumbe wa halmashauri Kuu ya Chama cha Mapinduzi (CCM) na Meya wa Ilala,Jerry Slaa akihutubia kwenye Kongamano la umoja wa vijana wa CCM Mkoa wa Mjini magharibi kuhusu maadili katika uchaguzi wa kuchagua viongozi wa jumuiya za chama hicho,halfla hiyo ilifanyika katika Ofisi kuu ya CCM Mjini Magharibi Zanzibar juzi.

Mjumbe wa halmashauri Kuu ya Chama cha Mapinduzi na Meya wa Ilala,Jerry Slaa (kulia) akimkabidhi cheti cha Shukrani katika kutumikia Chama,Katibu wa UVCCM wa Wilaya ya Mjini Unguja, Mohamed Ali Khalfani wakati wa ufunguzi wa Kongamano la umoja wa vijana wa CCM Mkoa wa Mjini magharibi kuhusu maadili katika uchaguzi wa kuchagua viongozi wa jumuiya za chama hicho,hafla hiyo ilifanyika katika Ofisi kuu ya CCM Mjini Magharibi Zanzibar juzi.

Mwenyekiti wa UVCCM wa Wilaya ya Mjini Unguja, Omary Justas Morris akihutubia kwenye Kongamano la Umoja wa vijana wa CCM Mkoa wa Mjini Magharibi kuhusu maadili katika uchaguzi wa kuchagua viongozi wa jumuiya za chama hicho,halfla hiyo ilifanyika katika Ofisi kuu ya CCM Mjini Magharibi Zanzibar juzi. Katikati ni Mjumbe wa halmashauri Kuu ya Chama cha Mapinduzi na Meya wa Ilala,Jerry Slaa na Mwenyekiti wa UVCCM Mkoa wa Mjini Magharibi,Tauhida Cassian Galos. 

Mjumbe wa halmashauri Kuu ya Chama cha Mapinduzi na Meya wa Ilala,Jerry Slaa (kushoto),Mwenyekiti wa UVCCM Mkoa wa Mjini Magharibi,Tauhida Cassian Galos (katikati) na Mjumbe wa halmashauri kuu,Hamadi Yusufu Masauni, wakipiga makofi wakati wa ufunguzi wa Kongamano la umoja wa vijana wa CCM Mkoa wa Mjini magharibi kuhusu maadili katika uchaguzi wa kuchagua viongozi wa jumuiya za chama hicho,halfla hiyo ilifanyika katika Ofisi kuu ya CCM Mjini Magharibi Zanzibar juzi.

Wanachama wa umoja wa vijana (UVCCM) wakimtunza Mwenyekiti wa UVCCM Mkoa wa Mjini Magharibi,Tauhida Cassian Galos (katikati) baada ya Mjumbe wa halmashauri Kuu ya Chama cha Mapinduzi na Meya wa Ilala,Jerry Slaa (hayupo pichani) kufungua rasmi Kongamano la umoja wa vijana wa CCM Mkoa wa Mjini magharibi kuhusu maadili katika uchaguzi wa kuchagua viongozi wa jumuiya za chama hicho,halfla hiyo ilifanyika katika Ofisi kuu ya CCM Mjini Magharibi Zanzibar juzi.

 

Chanzo: MAGANGA ONE.